Turi kuwa  gatatu  n’igenekerezo  rya   19 Ntwarante n’umwaka 2025 ncuti namwe bagenzi mwashimye gukurikira Radiyo Inzamba Agateka kawe ndabahaye mwiriwe  canke mwaramutse bivanye naho muherereye .Iri ni rya sango  rya makuru mukirundi nayo  akaba agizwe n’izi ngingo nkuru  nkuru zikurikira.

• Agahinda ni kose mumpunzi z ‘Abarundi baba mw’ikambi ya Nduta mugihugu ca Tanzaniya.Inyuma y ‘inyuruzwa rya  mugenzi wabo Remy Ndayikeza  bari barabuze irengero haraciye indwi kuruno wa kabiri niho hatorwa ikiziga c’iwe.Basaba ko hokorwa amatohoza y ‘ihuta kugira abakoze iryo bara bamenyekane. Murano makuru muraza kuvyunva.
• Abafata ingendo bava muntara ya Rumonge bagana mugisagara ca Bujumbura no muzindi ntara mur ‘ino minsi ntiborohewe biturutse yuko igiciro co kwiyunguruza  kiguma kiduga  uko bukeye uko bw’ije nabo bafise amikoro make cane.
• Nayo mumakuru ajanye n’ibidukikije abanyagihugu bo kukurwa mukuru w’intara ya Muyinga bamaze ukwezi kurenga bataronka amazi atangwa n’ishirahamwe Regideso.Bafise ubwoba ko bazohava bandura ingwara zifatiye kw ‘isuku rike. Aya n’ ayandi ni

Ikiziga c’umurundi yahora aba mw’ikambi ya Nduta mu gihugu ca Tanzaniya azwi kw’izina rya Remy Ndayikeza , caratowe ejo ku musi wa kabiri. Uwo Remy Ndayikeza yahora akora akazi ko kundandaza inyama , yari yarabuzwe irengero muri iyo kambi hari haheze imisi irenga indwi. Izindi mpunzi z’abarundi baba muri iyo kambi bari mu gahinda ko kubura uwabo , bakaba basaba inzego zibijejwe gukora amatohoza vuba bwango , kugira abakoze ubwo bwicanyi bamenyekane kandi bahanwe vyakarorero. Ni inkuru ya Jean Georges Kibogora.

Impungenge ni nyinshi mu mpunzi z’Abarundi bari mw’ikambi ya Nyarugusu mu guhugu kibanyi ca Tanzaniya. Izo mpungenge zifatiye ku ngingo isaba impunzi kujana n’imiryango yabo yose iyo bagiye gufata imfashanyo y’ibifungurwa bahabwa na PAM. Babona ko iyo ngingo ari iy’ukubuza abaja kuronderera imiryango hanze y’ikambi, bakibaza ko ari ubundi buhinga bwo kubatahukana ku nguvu, iyi nkuru tuyibaze Audace Nimbona

Iyo ngingo yafashwe na leta ya Tanzaniya n’ishiramwe mpuzamakungu rijejwe ibifungurwa PAM iriyamirizwa n’urunani CDH/VICAR, aho ruvuga ko ishirahamwe PAM rikwiye gukora akazi kayo aho kwivanga mu bitayiraba, umvirize Jean Bosco Vyizigiro ni umuvugizi wa CDH/VICAR

Haraciye ukwezi kurenga hibonekeza ubukene bw ‘amazi atangwa n’ishirahamwe rya Reta Regideso kumugwa mukuru w’intara ya Muyinga.Abanyagihugu bakaba bafise ubwoba bwo gufatwa n’ingwara zifatiye kw’isuku rike harimwo n’izandukira.Basaba ishirahamwe Regideso gutorera umuti ico kibazo.N ‘inkuru ya Pacifique Nkeshimana.

Mugisata kijanye no kwunguruza abantu n’ibintu Imyidogo ni myishi mu bafata ingendo bava mu ntara ya Rumonge baja mu gisagara ca Bujumbura no mu zindi ntara. Bavuga ko igiciro co kwiyunguruza kiguma kiduga buri musi, na bo amikoro ari make. Abunguruza abantu n’ibintu bo basigura ko ibitoro bitaboneka, ko ivyo bakoresha babigura kuri magendo.   Basaba leta gutorera umuti ico kibazo gisa n’icananiranye. Ino nkuru tuyibaze Claude Manirakiza.

Imbere yo gusozera ano makuru nK’uko  mu maze kubimenyera buri musi wa gatatu uyu  ni umwanya w’ikiganiro Kw’ISOKO’’.Ni ikiganiro  mushikirizwa n’urunani  rw’amaradiyo, RPA ijwi  ry’abanyagihugu, Radio Inzamba agateka kawe  kumwe  Television Renaissance.Uyu musi tukaba tubayagira kubijanye n’utunenge turiko twibonekeza mugutegura amatora y’imirije.Bamwe mu bazohiganwa barizwa n’uko  batanguye kuburagizwa mu bikorwa vyabo. Kubw’urunani rw’amaradiyo ikiganiro c’uyu musi mugisomerwa na Janvier Nininahazwe

Ni no ngaha duciye dusowera ano makuru nkaba

nshimiye mwebwe mwese mwaduteze yompi ngashimira na bagenz’anje umwe wese kugiti ciwe  banfashije kuyabatororokaniriza mugire aho muba mwubahwe mubanyu no muvyanyu. N’agahwane.