Turi kuwa  Gatatu  n’igenekerezo  rya  5 Ntwarante umwaka 2025 ncuti namwe bagenzi mwashimye gukurikira Radiyo Inzamba Agateka kawe ndabahaye mwiriwe  canke mwaramutse bivanye naho muherereye .Iri ni rya sango  rya makuru mukirundi nayo  akaba agizwe n’izi ngingo nkuru  nkuru zikurikira.

• Kur’uno wakabiri niho hari hategekanijwe ko umumenyeshamakuru Sandra Muhoza yunvirizwa muri sentare nkuru ikukira Mukaza mugisata c’iyungururizo ariko ntiyabaye akiburana kuko atari kurutonde rwabarengukijwe.Ishirahamwe ryabamenyeshamakuru batagira imbibe Reporter sans frontiere riranegura iyo nyifato y’ubucamanza rigasaba ko Sandra Muhoza yorekurwa.
• Mumukwabu wakozwe n’igipolisi gifadikanije n’abasirikare kuruno wa kabiri muri komine Nyanza Lac abantu  barenga amajana atatu n’ibo bahagaritswe.Ngo hoba hariko haronderwa impunzi za ba kongomani.
• Mugisata kijanye n’uburimyi abanyagihanga basabwa kuronswa ifumbire yo mubwoko bwa Iree ngo bitagenze uko uyo mwaka umwimbu w’igiterwa c’umuceri uzoba muke cane ngo kuko imirima y’umuceri yatanguye guhishira.Aya nayandi ni mukanya .Sangwa ikaze.

Ndasubiye kubaramutsa.Ano makuru tuyahere mugisata c’ubutungane.

Umumenyeshamakuru Sandra Muhoza akorera ikinyamakuru LANOVA  kuruno wa kabiri igenekerezo rya kane  Ntwarante niho vyari bitegekanijwe ko aburanishwa ubwambere muri sentare nkuru y’iyungururizo ya Mukaza.Ariko  ntiyashoboye kunvirizwa kuko yasanze  atari kurutonde rw’ababuranishwa. Ishirahamwe Reporter sans Frontieres ririyamiriza iyo ngendo y’ubutungane .N’inkuru ya Pacifique Nkeshimana.

Impunzi za ba kongomani baba mw’ikambi y’inyankanda ni muri commune Butezi muntara ya Ruyigi basaba ubutungane ko bwobarenganura ni inyuma yaho umwe muribo azwi kumatazirano ya Innocent atorewe ikiziga  Kw’igenekerezo rya 2 Ntwarante muri iyo kambi aho yarasanzwe aba n’umutambukanyi wiwe. Abakongomani baba muri iyo kambi bakaba batangazwa nurwo rupfu rwashikiye mugenzi wabo ngo kuko atamuntu numwe bari bafitaniye ingorane. Amakuru ava ngaho mw’ikambi akatumenyesha ko ngo yoba atarabanye neza nuwo bubakanye bishobora no kuba intandaro y’urwo rupfu. Uyo mutambukanyi wiwe gushika ubu ngo ntawuzi irengero ry’iwe. Igipolisi ngo kikaba kiriko kirakora ibishoboka kugira uyo mugore ashobore kuboneka. Ivyo biruko mugihe ubuzima bubandanya bugora mumakambi y’impunzi ziba muntara zo muburengero kuva kadutse intambara muri kongo aho impunzi zitemerewe gusohoka hanze y’ikambi uko zivyifuza. Bategetswe ko atampunzi nimwe ishobora kuba iri inyuma y’ikambi kuva isaha cumi na zibiri zo kumugoroba.Ivyo biruko mugihe ngo bahora batunzwe nurudandazwa ruto rto aho bahora bava mwikambi bakaja gucuruza kumurwa mukuru w’intara ya Ruyigi canke bakaja kurondera akazi mugisagara ca Bujumbura kugira bashobore kubeshaho imiryango yabo.

Abantu barenga 300 baraye bahagaritswe kuruyu wa kabiri kumugwa mukuru wa commune Nyanza-lac y’intara ya Makamba.  Bakaba bahagaritswe mumukwabu wo gusaka wakozwe n’igipolisi gifadukanije n’abasirikare bo mw’ikambi ya Nyanza-lac. Ubwambere ngo hoba haronderwa impunzi z’aba nya Congo munyuma bihundukamwo kurondera amakaye ariko intonde z’ababa mumazu. Ido n’ido Parfait Mudasigana

Abarimyi bo muri komine Gihanga mu ntara ya Bubanza basaba kuronswa ifumbire yo mu bwoko bwa urée mu gihe bayikeneye kubera babona ko ibiterwa vyabo bishobora kwononekara mu gihe itoboneka vuba. Aho bigeze umuceri wahora wimbuka ku bwinshi mur’iyo komine, ngo ,watanguye guhishira kubera hari ivyunyunyu ubuze, iyi nkuru tuyibaze Audace Nimbona

Uyu ni wa mwanya w’ikiganiro        ‘’Kw’isoko’.Mu kiganiro co kuri uno wa gatatu igenekerezo rya 5 ntwarante  tugaruka kubijanye n’ibwirizwa ry’ukwororera mu mpongore.Ni ibwirizwa  bisa naho kugeza ubu atakarusho ryazanye.

Kubw’urunanira rw’amaradiyo Rpa – ijwi ry’abanyagihugu , Inzamba agateka kawe na  télévision Renaissance , ikiganiro kw’isoko c’uyu musi mugishikirizwa na Dany Claire Iratwumva

Ni no ngaha duciye dusowera ano makuru nkaba nshimiye mwebwe mwese mwaduteze yompi ngashimira na bagenz’anje umwe wese kugiti ciwe  banfashije kuyabatororokaniriza  mugire aho muba mwubahwe mubanyu no muvyanyu. N’agahwane.