Amashirahamwe adaharanira inyungu za politike 19 ariyamiriza integuro y’itegeko riha ububasha bwo guca imanza z’amatongo umugwi CVR ujejwe ukuri n’ukunywanisha abarundi. Iyo nteguro y’itegeko iherutse kwemezwa n’inama nshingamateka na nkenguzamateka . Mw’itangazo ayo mashirahamwe yasohoye , yerekanako bitumvikana ingene ubwo bubasha bwohabwa umurwi CVR kandi warananiwe igikorwa co kunywanisha abarundi. Ayo mashirahamwe abona ahubwo ko uwo murwi wamye werekanako ari igikoresho c’umugambwe uri ku butegetsi CNDD FDD , kandi atakindi ukora atari kubiba urwanko n’amacakubiri mu barundi. Asaba umukuru w’igihugu gutemeza iryo tegeko , nayo ahandiho ngo nivyahuha vyoca bihuhuka . Dutegamatwi Audace Havyarimana, ajejwe gutegura imigambi mw’ishirahamwe FORSC , rimwe mu yateye igikumu kuri iryo tangazo.
Mumakuru ajanye n’intwaro ibereye ngo amafaranga reta ikoresha nta muco uja mwo mu kuyategura. Abarundi basanzwe bategerezwa kugira ico bayavuze ko. Ivyo bishikirizwa n’ishirahamwe PARCEM, inyuma y’aho Inama nshikiranganji yemeje integuro y’amafaranga azokoreshwa mu kiringo c’2024-2025. Faustin Ndikumana arongoye iryo shirahamwe akavuga ko Uburundi buri mu bihugu vya nyuma mu bifatirwa ko vyose ku muco wo gutegura ayo mafaranga. Ati ni co gituma haba mwo ubusuma bwinshi. Yabivuze mu kiganiro yahaye abamenyeshamakuru uno musi.
Kubwa Faustin ndikumana n,uko inzego za leta zohindura ingendo.Ubushikiranganji bwose akaba aribwo buja gusigura imigambi yabwo imbere y,inama nshingamateka ivyo bukora vyose bigakorwa ku mugaragaro
Mugisata c,umuyagankuba naho abanyagihugu bagiye kw,iruhusta.Ingorane z’ibura ry’umuyagankuba zigiye guhera mu kiringo kitarenze indwi zibiri. Vyashikirijwe n’umuyobozi mukuru wa REGIDESO hari mu kiganiro yagiranye n’amenyeshamakuru kur’uyu wa kane mu gisagara ca Bujumbura. Jean Albert Manigomba, avuga ko hagiye kwongerezwa inguvu z’umuriro utangwa, ariko akongera ko ko bizokorwa buke buke kugira ngo ivyuma ntibize bahave biturika
Imyaka 121 iraheze umwami w’u Burundi Mwezi Gisabo ateye igikumu Ku masezerano yo guhagarika intambara yari yatewe nuko u Burundi bwari bwavigerewe naba kavantara babadagi. Abo bakaba baserukiwe n’uwitwa Von Biring. Amasezerano yatumye u Burundi butwarwa mu bukoroni n’igihugu c’u budagi.
Imbere yo gusozera ano makuru dukurikire akamo gaterwa n’umuhari Inamahoro w’abakenyezi n’abigeme baharanira amahoro n’umutekano mu BURUNDI.
