Turi  kuwa    kane n’igenekerezo  rya    1 Myandagaro  umwaka 2 024 ncuti namwe bagenzi mwashimye gukurikira Radiyo Inzamba Agateka kawe ndabahaye mwiriwe  canke mwaramutse bivanye naho muherereye . iri ni rya sango ryamakuru mukirundi mushikirizwa na  Pierre Gahungu nayo  akaba agizwe n,izi ngingo nkuru  nkuru zikurikira

• Havutse urunani rushasha rw’ishinze kugarukira igihugu uno munsi kigeze aho umwansi ashaka rwitwa Mbogoraburundi CRN Ingeri ya Rugamba.Abarugize bavuga ko barushinze kugira bagarukire igihugu uno munsi kirangwa n’amacakubiri,ugukumirana n’ayandi mabi azingamitse abarundi.Murano makuru muraza gukurikira chauvinaux Murwengezo avugira urwo runani mbogoraburundi.

• Haraciye indwi z’ibiri hibonekeza ubukene bwa maraso yo gufasha abarwayi bakeneye guterwa amaraso mukigo kijejwe gutanga amaraso mukarere kubuvuzi muntara y’ubumanuko.Abajejwe igisata c’ubuvuzi murako karere bakaba bafise ubwoba ko iryo kena rishobora gutuma abarwayi bahasiga ubuzima.Muraza kubikurikira murano makuru.

• Umugambwe CODEBU ubona ko hari igipfungu mw’ikurwa ry’abakozi  bamwe bamwe bo mubushikiranganji  bw’ubutare n’agataka. N’inyuma yaho umukuru w’igihugu amenyeshereje ko hari ubutare bunyegejwe muntara ya kirundo.Abo bakozi bakaba bakuwe inyuma y’icegeranyo c’atanzwe n’ishirahamwe ry’igenga rikora mugisata co gucukura ubutare.Keffa Nibizi arongoye umugambwe CODEBU  akavuga ko hari icinyegeje inyuma y’iyo ngingo. Aya n’ayandi ni mukanya.

Ndasubiye kubaramutsa.Ano makuru tuyahere mugisata ca politike.

Kwubaka Uburundi butekanye , gutsimataza ubumwe  , kunagura intwaro rusangi  no kugarukira ubutunzi bw’igihugu  bugeze aho umwansi ashaka ,  niyo ntumbero urunani rwa politike rwishinze gushira mu ngiro . Urwo runani rwitwa Urunani Mbogoraburundi CRN Ingeri ya Rugamba . Abarugize  bavugako barushinze kugirango bagarukire igihugu uno munsi kirangwa n’amacakubiri n’ugukumirana , hamwe n’itunganywa ry’igihugu ribi ryatumye ibisata nka vyose vy’igihugu biyangara. Dutegamatwi Chauvineau Mugwengezo, umuvugizi w’urwo runani.

Urwo runani mbogoraburundi CRN Ingeri ya Rugamba ruvugako muri bikuru biikuru rugiye gushirimbere  harimwo gusubiz’iteka zina murundi wese, gusubiz’iteka ibwirizwa nshingiro n’ayandi mategeko arikomokako , hamwe rero no gushiraho politike itomoye ijanye no  kunagura ubutunzi bw’igihugu. Dusubire twumvirize . Chauvineau Mugwengezo.

Tuve mugisata ca politike dutandukire igisata kijanye n’ubutungane aho hari umusore w’imyaka 20 wo ku mutumba Gatare, zone na komine Gashikanwa y’intara ya Ngozi amaze imisi itatu apfungiwe mu gasho k’inyamiramabi ko muri iyo komine . Akaba yagirizwa kuba yarishe se wiwe mw’ijoro ryo ku musi wa mbere w’iyi ndwi amukubise ubuhiri mu mutwe . Uwo muvyeyi ngo akaba yazize kuba yankiye uwo muhungu wiwe  kurongorera mu nzu y’abavyeyi. Uwo musore rero ngo amaze gukora iryo bara yarahunze aza gufatirwa muri komine ya Ruhororo yegeranye na Gashikanwa. Abajejwe intwaro bakavuga ko bariko bagira amatohoza ku rupfu rw’uwo muvyeyi no kuraba ko uwo musore atoba afise akandi kagorane mu mutwe.

Tumire amate duce tubandanya mugisata kijanye n’amagara y’abantu.

Mukigo kijejwe gutanga amaraso mukarere kubuvuzi muntara y’ubumanuko  havurwa ikena ry’amaraso yo gutera abarwayi  baba bayakeneye haraciye indwi z’ibiri .Abajejwe igisata c’ubuvuzi muri ako karere bakaba bafise ubwoba ko hashobora kw’itaba imana  abarwayi benshi  biturutse kw’ikena ry’ayo maraso.Iyi nkuru tuyibaze Josephine jones Nkunzimana

Tukiri mugisata c’amagara y’abantu ,Abantu icenda nibo bamaze kwandura indwara y’akaranda y’ibihara mugisagara ca bujumbura izwi nka variole de singe mugifaransa. Bimenyeshwa na Jimmy Hatungimana umukuru w’igisagara ca Bujumbura mukiganiro yahaye abamenyeshamakuru kuruyu wa gatatu. N’inyuma y’inama yagiranye n’abajejwe intwaro n’igipolisi mugisara ca Bujumbura. Umukuru w’igisagara agasaba ashimitse abanyagihugu arongoye kwirinda ico kiza mugukaraba neza amazi n’isabuni imisi yose hamwe no kwirinda kuramukanya. Kurikira

Mugisata kijanye n’ubutunzi n’aho ,abakozi bamwe bamwe bo hejuru mu bushikiranganji bw’Ubutare baheruka gukurwa. Iyo ngingo ikaba yafashwe inyuma y’aho hari ishirahamwe ricukura ubutare ryigenga ritangiye icegeranyo mu bategetsi bo hejuru. Ivyo bimenyeshwa na Keffa Nibizi. Uwo arongoye umugambwe CODEBU agatangazwa n’ingene iryo shirahamwe ryatanze icegeranyo kur’abo bategetsi kitabanje kugicisha mu nzego jujejwe ico gisata. Keffa Nibizi akavuga ko ivyo bifitaniye isano n’ivyo umukuru w’Igihugu aheruka kumenyesha ko hari ikinogo cuzuye mwo ubutare giheruka gutorwa. Kurikira Keffa Nibizi.

Ni no  ngaha duciye dusozera ano makuru,nkaba nshimiye mwebwe mwese mwaduteze yompi  ano makuru mukaba mwayashikirijwe na jewe  Pierre Gahungu naho ubutaha.